Benefits of Early Rising: ఒక విద్యార్థి రాత్రి పడుకునేటప్పుడు ఇలా ఆలోచిస్తాడు.. రేపు ఉదయం 4 గంటలకు నిద్రలేవాలి, మూడు చాప్టర్లు చదవాలి, గంటకు ఒక చాప్టర్ చొప్పున 7 గంటల వరకు పూర్తి చేయాలి. ఇలా ప్రణాళిక వేసుకుని అలారం కూడా పెట్టుకుంటాడు. కానీ ఉదయం అలారం మోగగానే దాన్ని ఆపేసి మళ్లీ నిద్రలోకి జారిపోతాడు. చివరికి 8 గంటలకు లేస్తాడు. ఈలోపు చదువుకోలేక సమయం వృథా అవుతుంది. ఇది కేవలం విద్యార్థులకే కాదు, నేటి యువతలో చాలామంది అలవాటు. పని అనుకున్నా, దాన్ని అమలు చేయలేకపోవడం వల్ల అవకాశాలు కోల్పోతున్నారు. అసలు విజయాన్ని సాధించాలంటే ఉదయం ఎప్పుడు లేవాలో తెలుసుకోవాలి.
 |
| Benefits of Early Rising |
విజయానికి తొలి మెట్టు - ఉదయం నిద్రలేవడం: జీవితంలో అందరికీ విజయం కావాలనిపిస్తుంది. కానీ కొద్దిమంది మాత్రమే దాన్ని సాధిస్తారు. వారు చేరుకునే మార్గంలో ఉన్న ప్రధానమైన అలవాటు ఉదయం త్వరగా లేవడం. సూర్యోదయానికి ముందే నిద్రలేవడం మనల్ని లక్ష్యం వైపు నడిపించే శక్తి. ఉదయం 4 గంటలకు లేచి చదువు లేదా ఇతర కార్యాచరణ ప్రారంభిస్తే క్రమశిక్షణ పెరుగుతుంది. అలారం మోగగానే ఉలిక్కిపడి, మొహం కడుక్కొని చదువు మొదలు పెట్టేవారిలో పట్టుదల, నిబద్ధత పెరుగుతుంది. శరీరం అలసటకు లోనైనా మనస్సు "సాధించాలి" అనే సంకల్పంతో ముందుకు నడిపిస్తుంది.
మేధావుల విజయం వెనుక రహస్యం: గతంలో ఉన్న మహానుభావులు, మేధావులు విజయాలను ఊరికే సాధించలేదు. వారి కష్టాల్లో ప్రధానంగా కనిపించేది ఉదయం త్వరగా లేవడం. సూర్యోదయానికి ముందు నిద్రలేచిన వారు ప్రతిరోజు తమ పనిని సమయపాలనతో పూర్తి చేస్తారు. ఈ అలవాటు వల్ల ఆరోజుకు ముందుగానే ప్రణాళిక వేసుకునే అవకాశం లభిస్తుంది. ప్రశాంత వాతావరణంలో మనసు ఏకాగ్రతతో పనిచేస్తుంది. మంచి ఆలోచనలు వస్తాయి. శక్తి పెరుగుతుంది.
క్రమశిక్షణతో వచ్చే శాశ్వత విజయం: ప్రణాళిక ప్రకారం ముందుకు వెళ్తూ అడ్డంకులను ఎదుర్కొని ముందుకు సాగిన వారు మాత్రమే శాశ్వత విజయాన్ని అందుకుంటారు. ఉదయం త్వరగా లేవడం ద్వారా శరీర ఆరోగ్యం మెరుగుపడుతుంది. పనులు సక్రమంగా పూర్తవుతాయి. క్రమశిక్షణ మనలో నిబద్ధతను పెంచుతుంది. ఇదే విజయానికి దారి చూపే నిజమైన మార్గం.
మీరూ జీవితంలో విజయం సాధించాలని అనుకుంటే ముందుగా సూర్యోదయానికి ముందే నిద్రలేవడం అలవాటు చేసుకోవాలి. ఇది మీ ఆరోగ్యానికి మేలు చేస్తుంది. అలాగే సమయపాలనతో పనిచేసే శక్తిని ఇస్తుంది. ఒక చిన్న అలవాటు "ఉదయం 4 గంటలకు లేవడం" మీ భవిష్యత్తును ప్రకాశవంతం చేయగలదు.
Also Read: ఫైనాన్షియల్ గోల్స్ ఎలా రీచ్ చేయాలి?